Проповедникот Харолд Кампинг предупредува дека минатиот пат погрешил, и дека на 21 мај всушност се случил духовниот крај на светот.
Харолд Кампинг најави дека идниот петок, 21 октомври, ќе биде крајот на светот, пишува Daily Mail. Истото го најави и во мај, но неговото предвидување, трето по ред, очигледно не се оствари бидејќи „погрешно ги интепретирал знаковите во Библијата”.
Иако се посрамоти, Харолд е истраен во своите тврдења за крајот на светот. Имено, изјавил дека минатиот пат погрешил, но дека всушност на 21 мај се случил духовен крај на светот, и дека од тогаш почнал делот на божјото судење кое трае пет месеци, и дека по неговото завршување на 21 октомври, ќе биде вистинскиот крај на светот.
Според неговата теорија, од крајот на светот ќе се спасат само вистинските верници, кои веќе Господ ги избрал на 21 мај. Инаку, овој човек најавуваше апокалипса и во 1988 и 1994 година, така да ова му е четврти пат.