Некогаш најдобриот напаѓач на Шпанија, Фернандо Торес, е во опасност да го загуби местото во Шпанската фудбалска репрезентација.
Во вторникот, во натпреварот на Шпанија со Лихтештајн, тренерот Винсенте Дел Боске го оставил во публика. Стартувал Алваро Негредо, кој се наоѓа во одлична форма, и Давид Виља. Додека Фернандо Љоренте бил на клупата.
Дел Боске ставил на знаење дека успехот на Торес од минатото нема да биде доволен за тој повторно да си добие место во стартниот состав во репрезентацијата.
„Торес е важен играч, но само тие што играат добро во нивните клубови ќе бидат повикани за националниот тим,” изјавил поранешниот тренер на Реал Мадрид.
Дваесет и седум годишниот Торес бил остро критикуван затоа што постигнал само еден гол откако пристигнал во Челзи. Неговиот договор изнесува 50 милиони фунти.