Се чини дека смртта и убиствата нема никогаш да престанат да бидат дел од хип хоп културата, а најновата жртва е 24-годишниот Slim Dunkin, чие вистинско име е Марио Хамилтон.
Според полициските извештаи, ѕвездата во подем била застрелана во градите по вербална конфронтација со сторителот.
Slim Dunkin пристигнал на фотографирање за својот нов музички спот кога вербално се пресметал со непознат маж. Полицијата се уште нема конкретни аргументи поради која причина е застрелан раперот.
24-годишниот рапер бил на почетокот на неговата кариера, а на јавноста и станал познат со песната Twitter that”. Во неговите песни често се споменувало насилството, оружјето и убиствата.
Веста за неговата смрт брзо се раширила низ социјалните мрежи, каде што фановите му оддаваат почит.