Во Њујорк би можело наскоро да почнат да растат дрва и цвеќиња под земја. Архитектите планираат да направат подземен парк во тунелот од подземната железничка станица, која одамна веќе не се користи.
Бетон, кули од стакло, улици обвиени со облакодери во делот на Менхетен , каде што зградите се збиени една до друга. Тука нема место за паркови и градини. Оној кој тука планира да направи зелена оаза, мора да биде инвентивен. Но, парк под земја – да не е тоа луда идеја?
Во никој случај , смета Џејмс Ремзи од Архитектонското биро RAAD во Њујорк. Заедно со уште двајца колеги, овој архитект планира да донесе дневна светлина до паркот под земја, на кое пред 60 години се наоѓала трамвајската станица.
„Ќе ги пренасочиме сончевите зраци, како што тоа го правеле страите Еѓипќани кога ги граделе гробниците, само што ние ќе користиме супермодерна техника“, рече Ремзи за „New York magazine“. Со помош на кабли и огледала, сонцето ќе допре под земјата, со што ќе се овозможи фотосинтеза на растенијата.
Оваа технологија веќе нашла примена на Потсдамскиот плоштад во Берлин, каде што станицата на метрото се осветлува со помош на огледала.