Водоотпорен Android таблет

На почетокот на овој месец компанијата Fujitsu, на конференцијата Fujitsu Forum 2011, го прикажа својот водоотпорен Android таблет – Аrrows Tab LTE F-01D

Уредот кој засега е достапен само во Јапонија, може да се потопи на длабочина од еден метар, тежок е  597 грама и тоа го прави идеален за користење, да речеме во када или кујна.

Овој 10 инчен таблет, со дебелина од 13 милиметри, има процесор со две јадра од 1 гигахерц, USB порт, подршка за Wi-Fi и работи на Android 3.0.

Eкранот е со 1280 х 800 резолуција, а има и задна и предна камера од 5,1, односно 1,3 мегапиксели.

Сајтот Netbook Italia неодамна објави дека овој уред ќе се појави во Европа наскоро, пренесува The Verge.