Актуелната генерација на моделот на Волво е на пазарот веќе од 2002 година, а шведската компанија потврди дека му спремаат наследник. Од Волво стигнаа и првите скици на овој луксузен SUV модел, кој во продажба ќе биде пуштен не порано од 2013 година.
Од официјалните скици можеме да заклучиме дека дизајнерите размислуваат за неколку можности за изгледот на новата генерација на моделот XC90. На скиците гледамо различни решенија на линиите на кровот како и различен изглед на задните делови.
Околу моторот на овој модел сеуште не се знае многу, но се препотставува дека испод хаубата на овој SUV ќе има дволитарски 4-цилидарски агрегат, кој ќе биде опремен со систен за директно вбризгување на гориво во цилиндарот.
