Оние коишто сакаат да се најдат во вистинска дивина опколени со дивите животни во својот природен хабитат сафарито е вистинскиот избор.
Туристичките агенции советуваат да се скокне до Кенија, земја која што е најпозната по сафари турите, но тука се и Танзанија, Боцвана или Зимбабве.
Покрај незаборавните авантури на сафарито на посетителите им се нудат и сите други чуда на Африка.
Еве еден краток избор од познати национални паркови во Африка.
Кенија
Најдобар избор за оние што не сакаат да згрешат. Кенија е земја на сафарито, позната по своите резервати, меѓу кои е и познатиот Масаи Мара.
Најпознатата сафари тура во овој парк се вика Аут оф Африка кај што се опфатени уште три национални парка , Тсаво Ест, езерото Накуру и Килиманџаро Кимана.
Боцвана
Прозирната сина вода на најголемата делта на светот Окаванго и стадата слонови се она што највеќе ги привлекува туристите во Боцвана.
Популарно место за ловците е центарот на пустината Калахари којшто е ненаселен национален парк со големина на Белгија.
Националните паркови завземаат речиси една третина од целокупната површина, а посебна атракција во нив се хиените, леопардите и антилопите.
