Е никако да чуеме некоја добра работа за проблематичната актерка Линзи Лохан. Овојпат актерката повторно се најде на тапет, и тоа заради долг од 100.000 долари кои актерката ги должи на холивудска компанија која изнајмува лимузини.
Лохан толку многу уживала да се „возика“ насекаде во луксузните лимузини, што успеала да насобере долг од неверојатни 100.000 долари. Доколку наскоро не го плати својот долг, таа повторно ќе се најде на суд. Инаку, актерката неодамна отслужи 400 часа општокорисна работа заради кражба на ѓердан.
Дали оваа млада ѕвезда ќе ја надополни листата на холивудски актери кои банкротирале заради нивните лудории???