Во последно време, често слушаме дека некој е зависник од секс. Како и обично, и овој тренд започна со познатите „фацки“ како Тајгер Вудс, Џеси Џејмс, Дејвид Духовни, и Мајкл Даглас, а листата продолжува и понатаму. Но нема сомневање дека вистински секс зависници со клиничка дијагноза хиперсексуалност навистина постојат.
Некои психијатри тврдат дека зависноста од секс е како и секоја друга зависност -вистинските секс зависници го користат сексот за да се чувствуваат моќно, за да избегаат од емоционалната болка или да скријат многу подлабоки проблеми.
Но не мора да се биде психолог за да се заклучи дека мажите (и жените) често лажат дека се зависни од секс. Луѓето кои не сакаат да биде верни, но сакаат да ги задржат партнерите, често ја користат оваа карта.
Ова нарушување може да послужи како оправдување или изговор за однесувањето на оние кои се фатени како изневеруваат. Факт е дека “љубовното слепило” може да не доведе до ситуација да поверуваме во многу лаги, но доколку вашиот партнер ви ја „продава“ оваа финта, шансите се огромни дека ве лаже. Ваше е да одлучите дали „ќе паднете“ на неа или не.