Нутриционистите велат дека ефектот на храната врз нашето здравје е навистина неверојатен. Всушност здравата храна вклучува комбинација од здрави намирници кои помагаат во регулирање на нормална телесна тежина, штитат од болести и обезбедувваат добро здравје.
Такви намирници може да бидат сите оние кои се природни, никако хемиски обработени. Ние ќе ви покажеме неколку намирници кои се на врвот на листата како најпожелни за нашето здравје.
Тука може да го вброиме темното чоколадо, благодарение на големата количина здрави антиоксиданси кои го штитат срцето и крвните садови, т.е. докажано го намалуваат крвниот притисок. Овие супстанци во изобилство ги содржат боровинките, како најздраво овошје. Боровинките исто така содржат значителна количина на витамин Ц и минерали како калиум, неопходни за здравјето на мускулите и за одвивање на голем број процеси на метаболизмот. Мешунките, како гравот, содржат големи количини на диетални влакна и поради тоа мешунките се најпожелни намирници во нашето секојдневно мени.