Муслиманското население во наредните 20 години ќе се зголеми двапати побрзо отколку немуслиманското. Се очекува муслиманите да бидат повеќе од една четвртина од светското население, пренесе АФП, повикувајќи се на ново истражување. Користејќи податоци за наталитетот, смртноста и миграцијата, истражувачите предвиделе 1.5 отсто годишен раст на муслиманите на светско ниво во следните две децении, и само 0.7 отсто на немуслиманите. Според студијата “Иднината на светско муслиманско население“ во 2030 година муслиманите ќе бидат 26.4 отсто од светското население, кое се очекува да достигне 8.3 милијарди луѓе.
Извор: Нетпрес