Прашање на чиста случајност ли е или шокантен аспект на вистината кога ќе налеташ на фотосесија што ги прави машките модели нежни балерини…
Работите како да се „вон“ контрола. Нема како да не размислуваме на оваа тема. Буквално секој ден кибер пространството ни предлага се побезвкусна макар и интерактивна храна за размислување. Каква е причината за ваквото „омекнување“ на силниот пол? Мажественоста во оној библиски смисол одавна си отиде.
Информацијата за растечката импотенција, намалено либидо и екстремни продажби на машка козметика не залива секојдневно. Во модните кампањи и на подиумот гледаме се по нежни и бледи суштества, кои слабо наликуваат на косматите, мускулести и мургави нивни представници од 90-те.
Паралелно со овој процес или како логично негово продолжение, дамите стануваат се по хардкор. Тука треба да спомнам дека не сум феминистка, едноставно го набљудувам она што се случува околу мене – онлајн и офлајн.
Можам да зборувам и преку статистики и да ви цитирам (вознемирувачки) резултати од различни истражувања. (На пример во статијата од 2008 година, објавена во The Observer, се вели дека 75% од самоубиствата на Островот се извршени од мажи…)
Но зошто би го правела, кога фотографиите си го прават своето…
