Помина златното доба на супермоделите, се чини дека доаѓа златното доба на нивните деца. Ова го докажа снимањето на Каја Гербер, 10 годишната ќерка на некогашниот топ модел број 1, Синди Крафорд и нејзиниот маж Ранде Гербер за новата колекција “Young Versace”, еден од најпосакуваните светски брендови.
Модната колекција е за момчиња и девојчиња помали од 12 години, а Донатела Версаче нема ништо друго освен пофалби за својата малда заштитничка: “Каја има посебна дарба, како и нејзината мајка. Камерата навистина ја сака. Синди беше присутна на снимањето па ме потсети на времето кога работевме заедно. Прекрасно е да ја видите Каја како се движи по стапките на нејзината мајка”.
