Ноќевањето под ѕвездите добива потполно ново значење во необичните кампови во Франција – посетителите се сместени во природа под отворено небо, т.е. во транспарентен балон.
Францускиот дизајнер Пјер Стефан е автор на концептот кој се применува во одмаралиштата “Attrap Reves” во близина на Марсеј и “Sky River” во близина на Лоара и Шер.
Стефан балоните ги дизајнира со намера да создаде еколошки простор, па балоните не оставаат никаква трага кога ќе се спакуваат и тргнат од кампот.
Иако имаат дијаметар од само четири метри, се исклучително удобни, а за оние кои сакаат повеќе приватност постојат и балони на кои само “плафонот” им е транспарентен. Секако, постојат и луксузни варијанти, па оние со подлабок џеп можат да изберат балони кои се поставени над џакузи када…