“Речиси половина од актерите во мојот филм се Срби, тие станаа дел од нашата екипа, дел од моето семејство, се сакаме и многу сме блиски. Мислам дека тоа доволно зборува за тоа што го чувствувам за Србите”, изјавила Анџелина пред премиерата на нејзиното режисерско деби “Во земјата на крв и мед” и на овој начин ги демантирала тврдењата на одредени поединци дека во филмот таа ја изразила својата омраза кон Србите.
“Проблемот е што сите имаат мислење за овој филм, а никој не го гледал. Се надевам дека луѓето во Србија ќе го погледнат со отворено срце и ум, иако знам дека тоа ќе биде многу тешко поради разните приказни и извештаи, но сепак се надевам”, додала Џоли. Познатата актерка наведува и дека Србите имаат право да снимат филм за своите жртви и дека имаат многу добри режисери кои ќе бидат во можност да го реализираат тоа, меѓу кои е и Емир Кустурица.