Едно 18 месечно бебе паднало во канализација кога пропаднал тротоар поради пукање на цевка, соопштила полицијата во Бријанск.
Полицијата во Бријанск, град оддалечен 400 километри југозападно од Москва, навела дека мајката била спасена, додека канализацијата го однела бебето, па се претпоставува дека загинало.
26 годишната мајка, ја буткала количката со бебето кога пропаднал тротоарот. Мајката преживеала, но бебето го проголтала канализацијата.
Подземните цевки кои носат топла вода, често пукаат во Русија. Кога тоа се случува земјата над цевките пропаѓа, а тоа пак претставува голема опасност за минувачите.
Истрагата за овој случај е во тек, а лошата конструкција на системот е најверојатно причината за оваа несреќа.