Лионел (100) и Елен (99) Бакстон во брак се неверојатни 82 години и тврдат дека нивната љубов никогаш не избледела. Ова е најстариот брачен пар во Британија, а потенцијални и во Европа, а двајцата велат дека се сакаат исто како и првиот ден од нивната венчавка.
„Никогаш не сме биле раздвоени или пак сме посакале некој друг. Долго сме во брак бидејќи пред се сме пријатели еден со друг. Секогаш сме се труделе навечер да излегуваме заедно, дали на вечера или на некоја игранка, така го сочувавме нашиот брак“, изјавила Елен.
Лионел пак изјавил дека никогаш не се изморил од присуството на неговата жена. Двајцата сакаат исти работи, тв серии, играње карти, читање романи и спорт. Се сретнале во март 1930 година.