Бројките ги симболизираат карактеристиките и особините на секој поединец, начинот на кој тој размислува и донесува одлуки во животот. Компаративната нумерологија своите прогнози ги дава врз основа на имињата и презимињата.
Најпрво треба да ги соберете броевите од вашето име и презиме, па потоа од името и презимето на партнерот, додека не добиете едноцифрен број. Потоа соберете ги двата едноцифрени броеви (вашиот збир и збирот на партнерот) , додека не добиете повторно едноцифрена заедничка бројка. Заедничкиот збир е нумеролошкиот број на вашата врска.
Пример: Ивана Петкова (5+6= 11= 1+1=2), а потоа партнерот Јован Атанасов (5+8=13=1+3=4), нивниот збир би изнесувал (2+4=6), значи бројот 6 ја означува вашата врска.
Во продолжение ќепрочитате што тоа значи:
Број 2 – оваа врска може да биде доста успешна доколку меѓусебно се дополнувате и толерирате. Во спротивно, вашата врска ќе има лошо влијание врз вас.
Број 3 – овие лица се исклучително чувствутелни и романтични, па затоа и вашата врска може да биде многу романтична и со длабоки емоции.
Број 4 – вам ви било преодредено да се сретнете и да поминете извесен период заедно. Оваа врска може да биде емотивна тешка и оптеретувачка. Доколку сакате да успее, мора да зборувате за се искрено и отворено.
Број 5 – овој број говори дека во оваа врска лицата се како најдобри другари. Ако сакате вашата врска да биде успешна разговарајте за заеднички планови за иднината.
Број 6 – вие двајца сте избрани да создадете цврсто и силно заедништво. Темелот на вашата врска е заедницата, семејството, па затоа ниту еден од вас нема да дозволи било што да влијае на вашата врска и да ја растури. Двајцата сте традиоционални. Врската ќе трае се додека има љубов и хармонија.
Број 7 – двојка која одлично се сложува од секаков аспект. Врската може да стане тешка поради меѓусебно натпреварување на интелектуално ниво. Духовно се совршен пар, но овој однос може да премине и во голема љубомора и да имате тешки кризи и караници.
Број 8 – вашата врска пред се има авантуристички дух и е без обврски. Вашиот однос е хармоничен и складен, но без некој посебен емоции. Нумерологијата вели дека еден од вас во оваа врска има сигурност или материјална корист.
Број 9 – овој број покажува дека двојката е судбински преодредена да биде заедно. Едноставно моравте да се сретнете и да бидете заедно. Врската ќе пропадне ако и двајцата не вложуваат подеднакво во неа.