Ако само ги спомнеме златото и парите… дефинитивно сме опишале мал дел од магијата на Цирих. Цирих е градот на многу контрасти и паралелни светови. Сместен е на езеро, кое придружувано од убавините на снежните Алпи, нуди неповторливо уживање.
Контрастите се појавуваат поради оддалеченоста помеѓу прекрасното езеро и центарот на градот, кој е фокус на сите случувања. Всушност, многу е помал бројот на шетачи кои ги разгледуваат убавините создадени од природата, отколку динамичните луѓе кои го „напаѓаат“ центарот на градот и како административна единка и како простор со знаменитости и можности за одличен шопинг. Цирих е град во кој недостатокот на работна сила е хроничен, што е доволна причина во него да живеат огромен број странци. Тоа пак е причина за појавата на различни религии и култури. Сепак во Цирих преовладува Протестантската работна етика, најверојатно поради фактот што работниците добро се платени. Цирих е и град на банките. Да, неговиот стар дел е преубав меѓутоа она што го карактеризира се парите и златото во трезорските банки. Познати се и големите подземни скривници на злато.
Цирих е град на златото кое живее во тишина, скриено од најбизарните диктатори, нацисти на 20 век. Цирих е градот на мистерии, интересен за секој посетител. Цирих е омиленото место на љубителите на чоколадата. Цирих живее во конкретност и точност…токму во ритамнот на неговата специфика „ швајцарскиот часовник “.
Задолжително морате да го посетите !
One comment
Katerina
8 март, 2012 at 16:57
Poseteno!