Би било безкрајно лесно, ако човек можеше да предвиди како ќе заврши една врска, што почнала убаво, невино или пак започнала фатално.Кога една жена ќе се вљуби, никој и ништо не е во состојба да ја спречи, ниту да ја вразуми. Таа навистина е како мачка во март, а март не е само месец, туку состојба. Способна е да оди по покривот на своето сопствено безумие слепа и глува за она што всушност и го нуди животот. Често е спремна да гризе и гребе …
Љубовта е убава, хипнотична, љубовта е како наркотик – после него ти доаѓа да леташ без разлика колку високо, без разлика колку далеку, немаш представа колку боли, кога на крајот ќе се паднеш во чувството на осаменост и празнина. Во слепата тишина на разумот, кој не секогаш бил со тебе и до тебе или пак само си ги затварала со раце очите и ушите.
Вљубената жена е секогаш убава. Никој не може да објасни зошто е така, но е факт. Ова донекаде ја оправдува желбата да оди по тенката острица на предизвикот, таа воопшто не мисли за зимата, ни за летото, зошто ја има својата благословена, убава и полна со емоции пролет, го има својот март – нежен, единствен, ласкав и опасен, но таа точно тоа го прави. Целосно и до крај ќе му се предаде. Додека не разбере дека љубовта е само сезона .
И исто како мачките таа ќе сврти грб на предупредувањата, опасно убава, непредвидлива, грациозна и совршена и што и да се случи покасно, таа мисли дека не е важно…Зошто таа е жива, вљубена и опасна но само за себе си.
Ако после реши дека е време да се симне од покривот на својата љубов, нема тоа да биде доброволно, ниту пак ќе биде примамена од топлата представа за живот без опасности и ризици, за сигурноста на мирниот живот, каде нема сезони, но пак секогаш има место каде да го одмори уморниот грб – од прегратки, од безкрајни месечини и сонца.
Веројатно таа ќе го заборави нејзиниот луд март некој ден. И животот ќе продолжи многу помудро и смирено, ноќите ќе бидат тивки и таа ќе го покаже на светот својот голем презир кон се и сите – нели е мачка сепак? Само што во еден момент ќе осети дека додека била вистинска по времето на таа мартовска сезона, таа ги загубила своите 9 животи. Всушност ги заменила – сите 9 живота за само неколку мига љубов…но вистинска.