Кајол Кан е малечка индијка која има двајца браќа, шест сестри, мајка и татако и шест најдобри пријателки – кралските кобри. Љубовта кон змиите ја наследила од својот татко, 55- годишниот Таџ Мохамед кој од својата десетта година лови змии и на нив заработува.
Малата Кајол практично израснала со змии околу себе. Кралските кобри без никаков проблем ги држи во рацете, ги гали и вели дека повеќе сака да си игра со нив отколку да оди на училиште.
-Навистина се забавувам со нив. Боли кога ќе ме гризнат, но тоа се случува поради моја грешка, бидејќи ги закачам, вели Кајол. Гризнатата рана секогаш ја третираат со посебен народен лек кој се пренесува со генерации.
Веројатно Кајол има многу среќа бидејќи последиците од нападот на кобрите најчесто завршува фатално. Всушност истражувањата покажуваат дека дури 50% од нивните гризнувања, се всушност без отров. Тие се нарекуваат “суво каснување”. Исто така, гризнувањето е смртоносно во околу 10 % од случаите. Кралската кобра е наголемата отровна змија на светот, расте до 5 метри.