Јагодите освен што се многу вкусни, се и добро средство за тонирање и подмладување на кожата од лицето поради големите колични витамини и антиоксиданти во нив. Ви предлагаме едноставна рецепта како да си направите природна маска од јагоди во домашни услови.
Оваа маска го тонизира и освежува лицето. Ја снабдува кожата со витамини и ја прави кожата свежа, мека и чиста. Прво исчистете го лицето добро со тоник и исплакнете го со млака вода. За маската ви е потребно само каша од неколку зрели јагоди, лажица павлака и малку квасец. Нанесете ја смесата на лицето, вратот и деколтето и оставете да делува од 20-30 минути. Потоа лицето се мие со млака вода и се нанесува крем откако ќе се исуши.