Научните спорови за ползата и штетата од алкохолот не престануваат. Овој пат специјалистите го дадоа своето мислење во полза на алкохолот односно дека употребата на еден алкохолен пијалок дневно е во состојба да ги зајакне коските и со тоа да го намали ризикот од скршеници.
Според резултатите од истражувањето спроведено во Њујорк секојдневната конзумација на одредена доза алкохол го намалува ризикот од кршење на бедрената коска со најмалку 20%. Истовремено со тоа, предупредуваат тие дека надминувањето на таа доза има сосема обратен ефект – го зголемува ризикот со 40%.
Експертите сметаат дека малите дози алкохол ја зголемуваат густината на коскеното ткиво и го блокираат механизмот на тенчење на коската. Човек што пие по чаша вино на пример секојдневно има помал ризик од појава на остеопороза, артрит и други мускулно-скелетни болести.