По цена од 570 долари за дете, за една година продадени се 300 бебиња во синџирот на трговија со деца во Египет.
Египетската полиција го разбила синџирот на трговија со деца. Повеќе од 300 бебиња продадени се по цена од максимални 570 американски долари по дете.
Египетските власти потврдија дека пет лица се уапсени. Меѓу приведените се две медицински сестри и доктор вработени во Каиро, од каде децата се продавале речиси три години! Несаканите деца, докторите ги продавале најчесто на двојки кои не можеле да имаат свои.
Бидејќи усвојувањето на децата во Египет е нелегално, што е врзано со правилата на исламот, некои парови во купувањето на деца виделе начин за “заобиколување” на законот.
Полицијата известила дека на царски рез биле подложни жени кои биле во поодмината бременост за абортус. Абортусот во Египет е дозволен исклучиво кога бременоста е ризична за животот на жените.