Анимираната комедија Симпсонови го прослави емитувањето на својата 500 епизода токму овој викенд. Двајца хард кор фанови, сакајќи да го прослават овој јубилеј, поставија рекорд за најдолг маратон на гледање на една серија.
Џеремија Франко и Кери Шрев од Калифорнија успеале да изгледаат епизоди од Симпсонови во траење од 86 часа и 37 минути, и тоа без престан, па и заслужено си добија место во Гинисовата книга на рекорди.
Џеремија и Кери го поставиле рекордот на натпревар во маратонско гледање на серии, кој го организирала филмската куќа 20th Century Fox Home Entertainment во Лос Анџелес. На натпреварот се пријавиле 100 учесници, главната награда за победниците изнесувала 10.000 долари. Маратонот започнал со гледање на првата епизода на Симпсонови премиерно прикажана во 1989 година.
Според правилата, на учесниците на натпреварот им било дозволено да јадат и пијат, но не и да заспијат. Џеремија и Кери успеале да ја изгледаат 11 епизода од 11 сезона, што значи дека вкупно изгледале 239 епизоди без престан.
