Престанал да јаде храна на 10-тата година и од тогаш не чувствува било каква потреба за неа. Секојдневно пие само по 15 литри вода.
Нинг Хуеф (22) од Кина веќе 12 години живее само на вода, храна не искусил повеќе од една деценија.
Како што изјавил за кинеските медиуми, храната престанал да ја јаде на 10 години и од тогаш не чувствува никаква потреба за неа. Во тој период често му било тешко и се што ќе се обидел да изеде, го исфрлал, нешто слично на анорексија. Но, овој непознат синдром не се одразил на неговото здравје иако е тежок само 40 килограми.
Хуеф дневно пие до 15 литри вода, а целата приказна за тоа дека не јаде веке 12 години ја потврдил и неговиот татко.
Единствениот вид на храна од која Хуеф не чувствува мака е млекото, но неговото семејство е сиромашно и не можат секој ден да си го дозволат.
“Се обидував да најдам работа во градежништво, но секогаш ме отпиштаа. Поради не консумирање на храна, моето тело е многу слабо и не може да поднесе тешка работа”, изјавил во очај Хуеф кој живее со своите родители.
Лекарите во почетокот не верувале во овој феномен, бидејќи општо познато е дека човечкото тело може да издржи само 3 недели без храна, не повеќе.
Сепак, со ‘патека’ од 12 години Хуеф за сите претставува феномен.