Глобочица е македонско вештачко езеро на реката Црн Дрим. Се наоѓа на околу 20 км северозападно од Струга, а изградено е во 1965 година.
Природата плени со својата убавина. Езерото Глобочица има долгнавеста и неправилна форма, всушност водата е само заробена како во широко речно корито меѓу високите планини и иако е вештачка акумулација делува многу природно и убаво.
Покрај љубителите на приридата овде својот рај ќе го пронајдат и риболовците, особено оние кои се во потрага по специфични видови, како што е јагулата.
Треба да се напомене дека на ова место пред изградба на браната постоело населено село Глобочица, чии мештани биле преселени во околината, особено во Струга.
