Главниот град на Куба е местотп поради кое би сакале да се вратите во минатото, кога времето течеше побавно, а животот беше поедноставен…
Хавана…Тоа е градот на старите автомобили, цигарите, румот, жиголата и специфичниот начин на живот- La Vida Habanera. Градот на брановите кои го „ напаѓаат“ булеварот „El Malekon“, долг 8 километри. Стариот дел од градот е најнаселен, познат е по катедралата „ Сан Кристоал “ и по барот “ La Bodeguita Del Medio“ во кој доаѓал и Ернест Хемингвеј и во кој можете да уживате во скапото мохито. Во текот на колонијалниот период кој траел 400 години, изградени се колонијални градби поради кои Куба заблеска на заштитната листа на „ Унеско “.
Места со особена оригиналност и огромно значење се и центарот Капитолио, фабриката за цигари „ Партагас“, специјалните кровови од згради каде може да ја вкусите неодоливата кубанска пица, Хавана Ведадо, мистериозните гробници и прекрасните цркви, Копелија, местото каде што ќе го јадете најубавиот сладолед на светот, Мирамар, Националниот аквариум, единствен на светот и уште многу знаменитости…
Хавана ќе ви ги открие со задоволство !
