Иако не присуствуваше на доделувањето на наградите кои се добиваат врз основа на гласовите на публиката – People’s Choice Awards, Katy има причина за да биде задоволна.
Како што беше претходно најавено, Katy Perry не присуствуваше на доделувањето на наградите кои ги доделува публиката – People’s Choice Awards. Сепак, таа ја одбележа оваа вечер со освојување на пет награди. Меѓу нив, Katy победи во следните категории: песна на годината (за “Е.Т.”), видео спот (за “Last Friday Night (T.G.I.F.)”), најдобра турнеја, најдобар женски изведувач и најдобар гостин во ТВ серија (за појавувањето во “How I Met Your Mother”).
Пејачката во нејзин стил се заблагодари на социјалната мрежа Твитер: “Ви благодарам на сите кои гласавте за мене. Сега морам да направам уште две полици со цел достојно да ги покажам сите овие награди”.
Други добитници беа Taylor Swift (најдобар кантри уметник), Demi Lovato (најдобар поп-уметник), актерката Emma Stone и членовите на екипата на филмот “Хари Потер и Реликвиите на смртта”.