Вашингтон Пост во четвртокот на својот веб сајт под ознаката итно, објавил вест дека внатрешната контрола на полицјата го истражува случајот и ја обавестиле Тајната служба која се грижи за безбедноста на претседателот на САД и неговото семејство.
Еден припадник на полициската мотоциклистичка придружба задолжен за следење на високи претставници на Белата куќа се наоѓа под истрага бидејќи надлежните органи наводно дознале дека тој и се заканувал на првата дама на САД, Мишел Обама.
Осомничениот полицаец наводно рекол дека тој би пукал во првата дама, а потоа со мобилен телефон го сликал оружјето кое би го користел во нападот.
Полицијата не го објавила името овој полицаец кој е осомничен. Вашингтон пост додава дека нема никакви индикации дека Мишел Обама во било кој момент била директно загрозена.