Британка била дадена на суд поради силно тропање со потпетиците во својот стан.
Хамид и Инам Фаиди живеат во луксузна зграда во близина на Sloane Squarе, Лондон и навикнати биле на мир и тишина која им ја нуди оваа ексклузивна локација. Меѓутоа, откако во 2010 година им дошла нова сосетка, на нивните маки немало крај.
Двојката на неколку пати се обиделе да ја опоменат жената која го изнајмувала станот над нив. Но, ниту една нивна забелешка таа не ја прифатила и продолжила да си тропа со штиклите. Токму поради тоа, двојката решила да ја тужи и неа и управата на зградата.
Тие побарале во станот над нив да се стави покривка или тепих, за да не им го „буши мозокот“ жената со потпетиците.
Целиот случај стигнал до судот во Лондон, а двојката веројатно ќе го добие спорот.