Тестаментот на починатата пејачка е објавен, погледнете кој е наследник на нејзиниот имот!
Според последните желби на неодамна починатата поп дива Витни Хјустон, нејзиното богатство ќе го наследи нејзината 18-годишна ќерка Боби Кристина.
Според судските документи, Витни го напишала својот прв тестамент уште во 1993 година. Измените ги додала во 2000 година, додека сеуште била во брак со Боби Браун. Но, нејзиниот поранешен сопруг нема да наследи ништо иако е споменат во документите. Според американските медиуми, парите кои Витни ги оставила позади себе ќе се префрли во фонд со кој Боби Кристина ќе може да управува кога ќе наполни 21 година, односно во 2014 година. Тогаш ќе мора да помине низ друг протокол, а официјално ќе го наследи богатството кога ќе наполни 25 години.
Мајката на Витни, Партисија Хјустон, е официјален извршител на тестаментот, а најзиниот брат доверител.
Витни потпишала предбрачен договор кој го спречува Боби да има пристап до нејзините материјални средства.