Овој град е по мерка на секој вкус. Во него културата е примарната категорија, а нејзиниот одраз, се согледува на секој агол. ..
Главниот град на Словенија иако се сместува во средните европски градови, има пријатна атмосфера која може да ги задоволи сите потреби на големите престолнини. Ова е град во кој се сретнуваат културата на Исток и Запад, во кој владеат и старото, и новото.
Љубљана е град на културата, дом на бројни театри, музеи и галерии, а се гордее и со една од најстарите филхармонии на светот. Љубљана е градот на концертите и разните музички манифестации, научен и универзитетски центар и град на безбројни деловни средби.
Градот, за време на Лето, живее во ритамот на бројните кафеани и ресторани кои ги има на улиците, на брегот на Љубљаница и во стариот дел од градот.
Дефинитивно, ова е местото со огромна душа…Местото, кое ќе Ве натера повторно да се вратите…
