Претседателот на Белорусија Александар Лукашенко изјавил дека “подобро е да бидеш диктатор, отколку хомосексуалец“, очигледно мислејќи на германскиот министер за надворешни работи Гвидо Вестервел.
Критикувајќи ги новите санкции на Европската унија против Минск, Лукашенко изјавил дека владее општа хистерија и дека постојат два типа на политичари.
„Еден живее во Варшава, а другиот во Берлин, што се однесува до вториот, хомоселсуалците викаат како постои диктатура, а кога ќе го чујам тоа помислувам дека е подобро да се биде диктатор, отколку хомосексуалец“, рекол Лукашенко.
Тој го осудил и соопштението на Европскиот парламент од минатата недела, кој повикува да се забрани Белорусија да биде домаќин на Светското првенство во хокеј на мраз во 2014 година.