Британката Венди Хмфрис буквално е спасена од својата мачка Фидги која осетила дека Венди има рак кој лекарите не успеале да го пронајдат. Откако Венди забележала дека нејзината мачка постојано душка околу нејзините гради и скока на нив, одлучила да посети лекар иако одела на редовни контроли.
Лекарите биле изненадени кога кај Венди дијагностицирале малигни грутка со големина на грашок која можела да да метастазира ако мачката не реагирала.
Венди сега оди на хемотерапија и и е благодарна на својата мачка на тоа што и го спасила животот .
Постојат неколку научни студии кои покажуваат дека и мачките и кучињата имаат способност да ја детектираат болеста во најраните фази. Во Јапонија е направено истражување чии резултати покажале дека кучињата во 98% од случаевите биле прецизни во откривање на карцином на дебелото црево.