Потребни состојки:
250 гр. спанаќ
2 дл. Јогурт
50 мл. Масло за јадење
2 јајца
5 лажици брашно
4 лажици пченкарно брашно
½ прашок за пециво
100 гр. сирење
100 гр. сецкани ореви
Припрема:
Измијте го спанаќот и обарете го во солена вода, па исцедете го и ситно исецкајте го.
Изматете ги белките се додека не добиете цврста смеса. Посебно изматете го јогуртот со жолчките, прашокот за пециво, двата вида брашно, ренданото сирење и спанаќот, па додадете сол по желба. Во смесата додадете ги и изматените белки и промешајте за да добиете хомогена смеса.
Калапите за мафини намрсете ги со масло за јадење, па посипете ги во брашно и додадете од претходно приготвената смеса.
Печете во загреана рерна на температура од 200 степени 30тина минути, се додека мафините не добијат златно румена боја.
Откако ќе ги извадите од рерна, врз мафините наросете сецкани ореви. Добар апетит!