Обединетата македонска дијаспора најави дека ќе испрати петиција до претседателот на САД Барак Обама и до сите шефови на државите кои се членки на НАТО, со цел да се обезбеди членство на Република Македонија на престојниот самит на лидерите на НАТО во Чикаго кој ќе се одржи на 20 и 21 мај годинава.
Обединетата македонска дијаспора ги охрабрува сите Македонци и пријатели да ја потпишат петицијата и да да се сподели информацијата и линкот што повеќе, со цел да се соберат 100.000 потписи пред Самитот на НАТО во Чикаго.
Зошто оваа петиција важна?
Поканата за Македонија за членство во НАТО во Чикаго ја поддржува крајната мисија на НАТО: Европа демократска, силна и слободна. Земјата ги има задоволено сите комплексни технички критетиуми за членство во НАТО, а сепак останува надвор од Алијансата поради прекршувањето на Грција на меѓународното право.
За да ја потпишете петицијата, ве молиме кликнете тука.