Австралиски милијардер Клајв Палмер ќе го претстави во Њујорк прокетот на бродот идентичен на Титаник. Всушност, Титаник 2 ќе биде со иста должина, раскошен мебел и уреден како бродот од 1912 година.
По 100 години од потонувањето, Титаник ќе добие наследник. На гала вечерата во Њујорк на 4 декември, Палмер ќе го претастави на светот својот проект.
“Едвај ја чекам вечерата. Ќе биде тоа добра прилика светот да види колку брилијантен брот направивме”, изјавил милијардерот, чиј Титаник 2 би требало да исплови во 2016 година од Шангај преку Саутемптон и да доплови до Њујорк.
Бродот е речиси како оригиналниот Титаник, малку поширок и 20.000тони потежок. Иако ќе биде изграден со користење на најнова технологија и техники, треба да изгледа речиси идентично како Титаник, но со многу повисок квалитет и безбедносни решенија. Бродот ќе може да собере 3.600 луѓе, што е речиси двојно повеќе од капацитетот на Титаник.
За првото патување веќе се пријавиле 20.000 луѓе, а Титаник 2 би требало да плови на редовна линија од Европа до САД.
Сè е испланирано да биде исто како судбоносната ноќ 1912 година.
На првото патување на Титаник 2 ќе се носи облека како на почетокот на векот, ќе се служи истото мени, а на пат е повикан и режисерот на познатиот филм Титаник, Џејмс Камерон.