Откако го родила својот син пред четири недели, 28-годишната мајка од Колумбија, Ана Фериа Сантос, вели дека тој е опседнат од ѓаволот, дека знае да оди и дека исфрла оган од устата, пренесува Дејли мејл.
Таа се плаши за својата безбедност и безбедноста на нејзините други 4 деца, а и целата заедница верува дека бебето е опседнато.
Ана тврди дека нејзиното бебе старо само четири недели може да стои исправено и да оди, а додава дека на креветот и неговата облека нашле изгорени делови, што ја наведува да мисли оти детенцето исфрла оган од устата.
-Знае да оди како возрасен. Некогаш ми се крие под кревет, влегува во куфер, во машината за перење или во фрижидерот, вели исплашената мајка.
Иако соседите на ова семејство ги потврдуваат стравовите на мајката, докторите не веруваат оти ова може да биде вистина и сметаат дека се работи за злоупотребување на детето.
Надлежните ќе покренат истрага за целосно да се испита оваа невообичаена приказна, но истите велат дека не очекуваат да се докаже оти станува збор за опседнување од ѓаволот и црна магија.