Маж со секира изврши напад во една градинка во југозападниот дел на Кина, при што уби четири деца, а повреди 13, пред да биде уапсен.
Крвавиот настан се случи денеска попладне во областа Пинан, во провинцијата Гуанси. Од локалната полиција соопштија дека напаѓачот со презиме Лин е уапсен, не откривајќи повеќе детали.
Од почетокот на 2010 година во Кина се извршени неколку слични напади во училишта, пензионерски домови и на улица, во кои десетици луѓе се убиени, а голем број повредени.
Поради ваквите инциденти беа упатени повици за поголемо внимание на душевно болните, како и загриженост од зголемениот стрес во кинеското општество.