Кому му требаат столчиња доколку може да се релаксирате и да се напиете кафенце или чајче лежејќи на висечка мрежа за лежење?
Доколку сакате да го посетите најопуштеното кафуле на светот, појдете во Токио. Таму ќе го најдете познатото кафуле Махика Мано, уште попознато како Кафуле на висечки мрежи за лежење.
Во ова кафуле нема да најдете столчиња, туку само мрежи за лежење на кои може да се опуштите и да го испиете вашиот омилен пијалок.
Кафулето е постојано полно, па затоа гостите може да останат максимум 2 часа. Она што е интересно е фактот дека, доколку ви се допадне мрежата за лежење, слободно може да си ја купите, и тоа директно од кафулето.