Британката Карол Хорлок досега родила 8 девојчиња и 4 момчиња, меѓу кои и близнаци и тројки.
Но, Карол повторно е бремена и го очекува “среќното 13-ти дете”.
Како што нагласува оваа храбра 45-годишна жена, еден италијански пар ќе ја правземе грижата за ова дете, а таа и самата е среќна што ќе овозможи принова во семејството.
“На нивните лица видливо е колку се радуваат на малото новодојденче. Тоа е момент преполн со емоции. Тоа е причината поради која го правам ова”, истакнала Карол.
Карол со поимот сурогат мајка прв пат се запознала со напис во весник кој го прочитала во 1995 година и во тој момент одлучила да им помогне на двојките кои не можат да имаат деца. Тие, обично и ги подмируваат трошоците кои се движат помеѓу 10.000 и 15.000 фунти. Тврди дека тука не се работи за пари, туку за помагање.
Единствениот услов кој го поставува, е по раѓањето родителите еднаш годишно да и испратат фотографија од децата. Сепак сурогат мајчинството не го следат само убави работи, па така нејзиниот татко со неа едвај зборува, бидејќи смета дека всушност таа ги дава неговите внуци.