Швајцарскиот бренд часовници Хублот го претстави најскапиот рачен часовник на светот, кој чини неверојатни 5 милиони долари.
Станува збор за часовник изработен од бело злато и обложен со 1 282 дијаманти, кој беше претставен на најголемото шоу за часовници на светот, Bazelworld Watch and Jewelry Show, кое се оддржува во Базел, Швајцарија.
На часовникот, чии дијаманти „тежат“ 140 карати работеле 17 луѓе, на кои им биле потребни 14 месеци за негова изработка.
Жан Клод Бивер, претседателот на Хублот, изјавил дека навистина ќе биде тешко да се надмине овој часовник, бидејќи површината на часовниците е ограничена. Тој додал дека веќе има неколку заинтересирани купувачи, но не открил други детали.