Кога ќе ги видите цените на најскапите пици на светот, и пиците во најскапите наши ресторани ќе ви изгледаат многу ефтино:
Пица-лавиринт, во ресторанот на Гордон Ремси во Лондон – 250 долари
Оваа пица е направена од пире од италијански кромид со паста од татруфи, бафало моцарела, фонтина сирење, печурки, сецкани тартуфи и свежи зачини. Колку повеќе таруфи порачате, толку поскапа ќе биде вашата пица.
Нино Белисима во Њујорк – 1 000 долари
Оваа пица ќе ја најдете на Менхетн во ресторанот Нино. Направена е од тенка кора на која има шест типови на кавијар и 2 јастози. Самото подготвување на пицата чини 780 долари, што значи дека цената на оваа пица е реална.
Пица Ројал 007 во Доменико Крола ресторанот во Глазгов – 4 200 долари
Оваа пица е именувана по познатиот агент Џејмс Бонд и се вика Пица Ројал 007. Таа е попрскана со 24 каратна златна прашина и кавијар потопен во шампањ, како и јастог мариниран во коњак стар 100 години.
Пица за заљубени во Фавито Фемили Пицерија во Хенриета, Њујорк – 8 200 долари
Оваа пица е скапа не поради состојките, туку поради фактот дека со неа добивате дијамантски прстен и шише Дом Перињон.
Пица Луи 13 во Салерно, Италија – 12 000 долари
Ова е најскапата пица на светот. Потребни се 72 часа за да се подготви. На оваа пица ќе најдете бафало моцарела, три вида кавијар, јастог од Норвешка, како и рачно собирана розева сол од морињата во Австралија. Оваа пица може порачате да биде направена само во вашиот дом, а услугата е вклучена во цената. Тоа значи, дека доколку сакате да се почестите со оваа пица, во вашиот дом ќе дојдат тројца готвачи кои ќе ви останат на гости три дена додека ја спремаат пицата. Па, што мислите, дали вреди?