Врвниот напиток од црвено овошје ќе ја задоволи потребата на организмот од витамини, минерали, билни влакна и антиоксиданси, ќе го намали ризикот од настинки и ќе го забрза заздравувањето на организмот.
За да имате силен имунитет кој опаѓа за време на зимата, неопходно е во вашиот организам да внесете многу витамини, минерали и антиоксиданси. За тоа ви е потребен напиток кој ќе ги содржи сите споменати состојки.
Потребни ви се 500 грама смрзнато црвено овошје, сок од еден лимон, две лажици шеќер во прав и 200 мл. топла вода.
Овошјето, лимоновиот сок и шеќерот ставете ги во посебен сад и додајте ја топлата вода, па мешајте се додека шеќерот не се растопи. Процедете го сокот и сипајте го во стерилизирано шише и добро затворете. Пред употреба разредете го сокот со вода.