Сите кои Кристина Агилера ја критикуваат за нејзината дебелина и порачуваат дека би требала да се стави на диета, пејачката со својата појава на доделувањето на American Music Awards во неделата порачала дека за нивното мислење воопшто не и грижа и со гордост ги истакнала облините.
Кристина Агилера (31) очигледно го прифатила своето тело какво што е и одлучила да ужива во него, а тоа го покажала и со изборот на облека за 40-то доделување на американските музички награди.
Своите облини на црвениот тепих ги истакнала со тесен деколтиран фустан со нежни нијанси од виолетова до темно виолетова, со тоа искомбинирала виолетова шминка и модерна фризура со шишки.
Иако нејзината појава беше прогласена за најлоша на црвениот тепих (со колешката Ники Минаж), критиките Кристина воопшто не ја обесхрабриле на сцената да се појави во многу посмела креација – црн корсет со многу длабоко деколте, со кој своите облини ги ставила на послужавник без никакво двоумење – и имала многу енергичен настап.
