Доколку имате полна фигура, научете како да ги истакнете вашите предности и да ги сокриете вашите недостатоци и со малку напор даи изгледате прекрасно:
Доколку имате големи гради, изберете соодветен градник: За вас на прво место не треба да биде изгледот, туку функционалноста на градникот. Добар градник треба да ги обликува вашите гради, да ги направи визуелно помали и подигнати. Секогаш треба да имате три градника за секоја пригода: еден беж, еден без прерамки и еден црн.
Прифатете го вашето тело: Не носете фустани кои не одговараат на вашата става. Прифатете го вашето тело, а инспирација побарајте од стилот на ѕвездите кои се градени како вас. Не ги следете модните трендови, туку првентвено фокусирајте се на гардероба која и одговара на вашата фигура.
Нагласете го струкот: Жените со облини најдобро изгледаат со нагласен струк, бидејќи со тоа додаваат сексипил и ја истакнуваат сензуалната линија на своите облини. Секогаш истакнете го најтенкиот дел од вашиот струк, во комбинација со темни пантолони или здолниште и светли кошули, блузи и сакоа.
Внимавајте да не делувате ефтино: Нажалост, дрес кодот на вашите пријателки кои носат мали конфекциски броеви не е применлив и за вашата фигура. Прекратка и претесна облека може да направи да изгледате вулгарно.
Пронајдете вистински обувки: Кога бирате обувки многу е важно да одговараат на целокупниот изглед. За да изгледате послабо носете високи потпетици, но никако модели до глуждовите кои ќе направат вашите нозе да изгледаат пократко. Од рамни обувки најмногу ќе ви одговараат чизми до колена и обувки во машки стил.