Музичката легенда Пол Макартни е нова жртва на трендот на објави на Твитер со лажни гласини за смрт за познатите личности. Лажната вест за смртта на поранешниот член на Битлс во краток рок го обиколи светот и очекувано, вознемири многу фанови.
Сепак, тоа е само продолжение на непопуларниот и иритирачки тренд за ширење на лажни информации, па откако во последно време “починаа” Ријана, Деми Мур, Адел, Еди Марфи, по нив отиде и Пол Макартни, што предизвика бројни огорчени твитови.
“Зарем не знаете дека Пол Макартни загинал во сообраќајна несреќа уште во1966 година?”
“Починал Пол Макартни? Се шегувате? Тој е легенда!”
“Престанете да убивате луѓе. Не е смешно.”
“Се надевам дека Пол Макартни е на небото и седи до Господ.”