Прекрасниот дворец во Лондон, изграден за шеќерниот магнат Вилијам Парк Лајл во 1910 година, е најскапиот имот во Велика Британија.
Замокот Heath Hall е изграден во најексклузивна улица во Лондон, The Bishops Avenue, пред повеќе од 100 години. Иако импресивната градба до 2006 година била многу запуштена, богаташот Андрес Панаито, ја реновирал и ја претворил во најскап имот во земјата.
Панаито во обновата инвестирал 50 милиони евра, а сега величенствениот замок се продава за 126 милиони евра. Градбата е толку ексклузивна што агентите за недвижнини ги проверуваат сите потенцијални клинети, а самата брошура на куќата чини 2.500 евра.
Замокот има 14 апартмани, шест дневни соби, соба за цртање, трпезарија, семејна соба, соба за билијард, кино, библиотека, сауна, теретана, вински подрум и уште многу повеќе. Не треба ниту да се споменува дека сите простории се опремени со најлуксузен мебел и опрема.
