Заљубениот канадски стоматолог Сенди Крокер тргнал во потрага за љубовта на својот живот и поради тоа поминал 8000 километри. Тој се обидува да ја најде мистериозната црвенокоса жена од Ирска, која го маѓепсала пред година дена во разговор кој траел само две минути.
Тие се запознале кога Крокер бил со својот брат на одмор во Ирска. Тогаш замолиле една девојка да им објасни како да дојдат до едно место кое сакале да го посетат.
Кога девојката заминала, тој сакал повторно да ја види, па затоа со брат му започнале потрага. Сепак девојката не ја нашол и се вратил во Канада, но ни една година подоцна тој не успеал да ја извади од глава.